Thulakna, Maipawl in a tarlan danin Zokhawthar Police te hian vawiin chawhma dar 9:20 vel khan Zokhawthar Maxi Cab stand ah dawnfawh chhunga heroin hawng 3, gram 34 a rit an man a, a neitua puh Lalnunpuii, Aizawl Fakland veng nia in sawi an man nghal.

Zokhawthar Police te hian vawiin vek tlai dar 2:00 khan Zokhawthar lei bulah theitui dahna bura thuhruk heroin hawng 2, gram 24 a rit leh a neitua puh Lalhunmawia, New Champhai nia insawi chu an man bawk. Nimin tlai khan Melbuk daiah heroin hawng 13, gram 146 a rit Assam Rifles nen tangkawpin an lo man tawh bawk.

Damdawi neitua puh vawiina an man pahnihte hi ND & PS Act hmanga thubuai siamsak niin Champhai District Court-a hruai an nih hnuah jail ah khung an ni ang.

Nimin tlai khan Champhai Police leh 42 Assam Rifles tangkawp chuan Champhai ah heroin kg 1 leh gram 219 a rit an lo man tawh bawk a ni.